14
فبراير
2023
اوراق سبعينية .. د.حامد الشطري
نشر منذ Feb 14 23 pm28 04:52 PM - عدد المشاهدات : 461

اوراق سبعينية 

تاخذني القصيدة لهاجس السبعين
وحقائبنه سفر . 
         بالعشگ متونسين.
اشگد اهموم بينه
        اشگد ثقافة جيل..
بواچينه شعر  ..
رغم الحزن مشتول بگلوب السواجي البينه طگ قداح
ودموع اعله خد اليحب 
نمسحها ورد فواح..
 ونخاطب بعضنه بچلمة
  احبيب.. يحبيب ..
يسمعها الگلب يرتاح
على باب المحطه
 نكتب مودعين
ويمر صوت القطار بكل قصيده..اسفار
متابطين ..باليمنه كتاب ...
      وحافظين اشعار
ونسولف ثقافه ..اوراقنه الافكار
السبعين حياة بكل معانيها
حتى الحب ترافه وذوق..
تختصره رسائل نحتفظ بيها..
تلم ريحة بواوجي ادموع
وبيها اشموع..
بيها من الاغاني الحان...
عاشت خضرت خطوات 
كل خطوه رصيف وشارع احديثات...
الكل يكتب..الكل يرسم 
الكل سهران يتوسد رسايل شوگ 
يفرشهن حدر ضلعه..
يغطي عيونه بيهن
         يلله يغفه يبات
طش سحر الكلام ..
      وغازل النجمه
وشاطت روح لو مر طاري الحبيب
تفز من ينذكر اسمه..
     الگلب ملهوف شيلزمه....
عمر طرز ايامه بكل حجي العشاگعمر للحلم ظل يشتاگ
عمر رغم الشظايا وحسبة العثرات
تاريخه وجه طفله..
واحلام الطفوله ابد ماتنباگ...

صور مرفقة






أخبار متعلقة
مشاركة الخبر
التعليق بالفيس بوك
التعليقات
اعلانات تجارية
اعلانات تجارية
استطلاع رأى

هل انت مع الجيش العراقي ؟

0 %

0 %

0 %

عدد الأصوات : 0

أخبار