مامش عيد بارض الناصريه اهلها محركه وشبعانه اذيه .. الشاعر .مغامس ياسر مغامس برغش

18
يوليو

2021

نشر منذ Jul 18 21 pm31 12:10 PM - عدد المشاهدات : 873

مامش عيد بارض الناصريه

اهلها محركه وشبعانه اذيه

شي عدنه مصاب وعدنه محروك

واكو بيها تره انجمعن سويه

واكو ابيوت انطفت مابيها چادود

لن العايله ماتت سويه

شعايدها ام طفل محروك بالنار

لو عايد اخو الفاگد اخيه

لو عايدلي شاب وعوده مفگود

شيعوضلي كلف هيبه وشفيه

لو ادگ باب سته فارغ البيت

بس نسوان بيه بيته وعزيه

والزاتوت جاره وصحبته وياه

مامش من اخوته ضل بقيه

اوبعد للحين والد يبحث الكاع

يدور بارض اثار الابيه

ياعيد... بعراقي وكله احزان

وانه ضيم الوكت منصب عليه

وي ضيم السياسه. واليبوكون

صبح شعب العراق اكبر ضحيه

من دون الدولة كل التوابيت

نعبيهن ورد للغاضريه

بس كلولي شنهي الجاره ياناس

خل نترك احجاية ما ...عليه

وخل ننتفض كلنه انزيل الاصنام

وخلينه نعمرها بدينه الناصريه

.......

مغامس ياسر مغامس برغش

صور مرفقة

أخبار متعلقة

مشاركة الخبر

التعليق بالفيس بوك

التعليقات

اعلانات تجارية

استطلاع رأى

أخبار