 |
|
- بيئة ذي قار تجري كشفا بيئياً للأهوار وتوجه دعوة “مهمة
- حملة نيابية #لتعطيل_الدوام الرسمي في دوائر الدولة بمناسبة عيد الغدير
- كهرباء ذي قار غدا الأحد إطفاء التيار الكهربائي بمعدل 6 ساعات
- بالصور: البعثة التنقيبة البريطانية تنهي اعمال التنقيب في مدينة كرسو الاثرية في ذي قار
- #شركة_أور_العامة تجهز الشركة العامة لتوزيع كهرباء الفرات الأوسط بمنتجاتها من القابلوات الكهربائية
- توقعات باستقرار حالة الطقس في معظم مناطق #العراق مع ارتفاع بدرجات الحرارة
- انواء ذي قار تسجل انخفاض بدرجات الحرارة يوم غدٍ الاربعاء
- وفد مسيحي يزور مدينة اور الأثرية والأهوار
- محافظ ذي قار يستقبل نائبة السفيرة الكندية في العراق
- مجلس ذي قار: سيتم استضافة المحافظ الأربعاء المقبل لمناقشة ملف مكتب التشغيل والدرجات الوظيفية
|
26
اكتوبر
2020
|
هاي طلابة وعد ذي قار .شلون تفض وتخلص .. الشاعر محسن الدخيلي الزرجاوي
نشر منذ Oct 26 20 am31 07:18 AM - عدد المشاهدات : 982
|
اطيني عين تنام
لو رادت تنام
اطيني خبزه وعافيه
وضحكه وسلام
انريد نفطر
كافي بسك ياعراق
انريد نفطر
كافي تعبنه الصيام
اليوم مانحتاج للامه رئيس
اليوم محتاجين للامه امام
ايعلم الناس المباديء
الله بالقران رحمن رحيم
اليزرع العبوه تره
تره تخضر يتيم
العوز ذيب
ويكتل من الجوع
ضيم نيابه
حسن ذي قار
اجه جوعان
وسلاحه علم
وتلكته ذيابه
اجاه الموت
جيله مسودنه
ولاحت صدر جوعان
يتختل اجه من الجوع
بثيابه
حسن اهل العدس كتلوه
والجتال
شبعان بزمان الجوع
شبعان بزمان البوك
تكتل جيلة الشبعان
سلاح ابن الوطن
ماحاسب حسابه
وكف وكفه حسن
بس حرة صواب
صاح بلا وعي
يتنخه باصحابه
حضن
جتف الرصيف وصاح
حسباله ابوه
الدنيه ظلمه
شكد شريفه الكاع ؟
مد ايده الرصيف
ايضمد صوابه
كتب فوك الرصيف
الطاهر كتابه
كتب تشرين
ماكمل...
خذاه الموت
مات على الرصيف
بحسرة البابه
ولك يذياب
وصمة عار
سويت الكبل محد مسويهه
ولك يذياب
فدوه تروح
لجتاف الرصيف
وغيرة ترابه
حسن عالموت بعده زغير
بس نشمي
استحه يدنك
وكف وكفه زلم للموت
طول بطول
مادنك
وحك بخت الوطن
والناصريه
وشدة مصابه
انه فراشي قضيه
وسادتي طلابه
حسن جاهل
يتيم بعازة اليمه
اليتيم بيوم الاسود
محد يهابه
حسن لامه وخواته وحيد
مات على الرصيف
بحسرة البابه
حضن جتف الرصيف
وصاح
حسباله ابوه
وداعة الله
بويه بويه
بويه كتلوني عمامي !!
فدوه سلملي
على كل واحد شريف
وكله كله
الغيره مهره
الغيره دين
الشريف براسه كصه
وهيه نكطه
ومن تطيح عله التراب
تصير طين
الجنه
عد الله وطن لليستحون
واحنه عد الله
يبويه مدللين
ومات جوعان
بزمن اسود حزين
اسمعوا يا ال فقره
ومات جوعان
بزمن اسود حزين
وحك بخت الناصريه
فلوس كبره والجفن
ليهسه دين
الموت تسكام
على ظهر الخيل عيد
الموت اهون من وطن
مايفكد عيال الشهيد
الموت اهون
من وطن فوك الثريه
مظفر النواب ابنه
وقرضه يتقرض نشيد
الموت للفقره قضيه
احنه شعب الله اكبر
بالعلم بالدم كتبنه
الله اكبر
احنه زلم الناصريه
نموت جمله
عدنه ملك الموت ياخذ
ميه ميه
نموت بوك
نموت سكته
عدنه موت الله بعيد
وماتموت الا شهيد
لان عدنه الموت
ملك الموت
شايل بندقيه
الناصريه اولايه للتاريخ ام
وفاهم وثائر
وابن ثنوه وعمر
والناصرية احباب
اي مولاي
( فالناصرية ام ملؤها الشرف
لولا علي لصلت خلفها النجف )
واشهدوا يا ال فقره
الدم هويه
وعمر ابن الناصريه
بذاك ضيم الله
وكف وكفة زلم للموت
مادنك
عمر ماكال شعليه
لذلك ...
صار ثار الناصريه
عمر ثار الناصريه
وهوست كل الطوايف
( هاي طلابه وعد ذي قار
شلون تفض وتخلص ؟!! )
صور مرفقة
أخبار متعلقة
اعلانات تجارية
اعلانات تجارية
استطلاع رأى
هل انت مع الجيش العراقي ؟
عدد الأصوات : 0
أخبار