(حبيب عمري) الشعر حمدي كريم

11
اكتوبر

2020

نشر منذ Oct 11 20 pm31 07:09 PM - عدد المشاهدات : 583

(حبيب عمري)

يمشراگة عمر سري اندفن بيك

او اخيعوني اعله سري البيك مدفون

الف بيك الليالي ابوحشت اليل

واناجي اطيوفك او شداتك اتهون

الوليك يل مدلل واداريك

واعيش وياك قيس ابليل مجنون

حبيبي الروح بيدك.وانته تختار

فرح لو ننحسب وي اليعزون

انه الشارب صبر كل عمري ماخاف

اخاف اعليك منك يالزغيرون

تحملتك حلو او مر وانه شاريك

او جرعتك حنظل او ناسك يلومون

احبك حب مثالي او راهنت بيك

گبل وكت الحوي تحويك العيون

دگ بسمارك ابنص النياشين

او شيل اشما بگالك وانه ممنون

ارسمك علشفايف طول وعيون

وابلل ريجي بيك او رايي مرهون

اشربك يل امعسل لو اخليك

تظل بس عل شفايف طعم وي لون

#حمدي كريم

صور مرفقة

أخبار متعلقة

مشاركة الخبر

التعليق بالفيس بوك

التعليقات

اعلانات تجارية

استطلاع رأى

أخبار