21
يونيو
2020
هكذا ارثيك بالدمع بمفردة الرياضه قبل الكلمات .... د، حامد الشطري
نشر منذ Jun 21 20 am30 10:18 AM - عدد المشاهدات : 342

هكذا ارثيك بالدمع بمفردة الرياضه قبل الكلمات ....
مات احمد ..
مات الجان زيبك مايلزمه احد
مات الهادىء الفنان وتفرهد
يبو رجل الطويلة الصالت اعله الحد..
يالمهدم جدار الصد..
مات وجفن لابس
 اخضر دريس العراق البيه يتمجد
يالزارع الفرحة اسنينك العشرين 
صارن للفرح مرود..
يا عاشك وطن والناس كلها 
اتصيح عاش احمد...
مات احمد العايش بالضمير وصورتة توشحت بالاسود..
يل فنان والطوبه البرجلك عود يعزف لحن 
واحنه اعله المدرج...نرعد ونربد...
الك هذا الهتاف يطول..
يا شبل العراقي ابن العراقي الجد
مات احمد ..
بطل ملفوف بالالوان ..ياعلم العراق 
المانزل فد يوم ..دوم اعله النجم يصعد
ياذرة ملح ..ياطيبة الطيبين خليت العراق 
ابحبك توحد..
ياومضة حزن هذا الصباح الباك
بلبلنه اليغرد والحزن يمتد
الك يقره العراقيين كلهم فاتحه
وعل الدمع نتوسد..
اني اشهد...انت اجم فرح جبته لشعب محزون من كل الحروب وجرحه مايضمد

صور مرفقة






أخبار متعلقة
مشاركة الخبر
التعليق بالفيس بوك
التعليقات
اعلانات تجارية
اعلانات تجارية
استطلاع رأى

هل سيتمكن عادل عبد المهدي من تشكيل حكومة تضم وزراء تكنوقراط بعيدين عن المحاصصة الحزبية والطائفية؟

0 صوت - 0 %

6 صوت - 67 %

عدد الأصوات : 9

أخبار