24
مارس
2023
بعض من شخابيطي على حيطان الوطن٠٠٠٠ عبد الكريم الحميضي
نشر منذ 11 شهر - عدد المشاهدات : 416

بعض من شخابيطي على حيطان الوطن٠٠٠٠
انا٠٠الظنيت ما تكدر تعاتبني 
لان ظنيت٠٠انا ابالك امخليني
وانه الغنيت الك موال٠٠٠بسته او جوبي وأشكال بتلاحيني 
وانه المازجت بيك الوان
وبوجهك ظفت أجمل تلاويني 
شجاك اشصار ياابن الناس
ما تكدر ولومره تحاجيني 
تيهت الموده والعشك ذاك
وصدكت اليفرق بينك اوبيني 
مو جنت الصبح شمس او تصبحني 
برمشة عين مارايد تمسيني 
يا اجمل ورد زين حديقتنه 
يمعطر العطر بس انت تحييني 
يا اجمل فصل بالعام
حبك توج اسنيني 
شجاك اوهاجرت لبعيد
بعدك تدري ياذيني 
بشته الازرك تعنيتك دفو
او تالي بالعره اتخليني 
وبحر كيظ عمري اوياك
ما شفتك تهفي ولا تسليني 
تيهت الملامح يا جميل الطول
لو مغتر ورايد كوه تسبيني 
ولا عكد الهوه فد يوم
خط يمك ملامح من نياشيني 
ولا مره يهزك شوك
ولا ابالك امس جانت عناويني 
اصبر صبر صبيره وتانيك
يالبلهجر ما ردتك 
تجازيني 
الجم جرح ما ملجوم بجروحي 
يالسهمك سهم كطع شراييني 
او لو سألوني عن سهمك يمحبوب 
اكلهم ٠٠من غريب 
وحيل ياذيني 
احبك من تجويني 
احبك مذهبي او ديني 
احبك سيف الرديني 
احبك عطش ما ريدك اترويني 
احبك يا عراق اهواي 
او وين أتريد وديني

صور مرفقة






أخبار متعلقة
مشاركة الخبر
التعليق بالفيس بوك
التعليقات
اعلانات تجارية
اعلانات تجارية
استطلاع رأى

هل انت مع الجيش العراقي ؟

0 %

0 %

0 %

عدد الأصوات : 0

أخبار