1
مايو
2021
دار الكون والچنه اعله مودة نموت ... الشاعر حيدر الجابري
نشر منذ May 01 21 pm31 09:04 PM - عدد المشاهدات : 365

دار الكون
والچنه اعله
مودة نموت
شال ايده
وتِبَرّه وكال خل يرحون

وىن نروح
والدنيه اغلگت بيبانها
وطشت احزان ونوح
 
وين نروح
ومابينه الصحيح الگلبه مامجروح

سدّوا كل شوارعنه
وملاها الخوف

وحنه بلا عيون ومانعرف الشوف

غطونه بدخان وغطوا المكشوف

وين نروح
ندور يا طبيب ايخيط النه جروح

نصرخ بس اظن صوت الصرخ منبوح

مانسمع
ولو لو صده يرد ويروح

مسدوده الطرق
والسددوها اخوان

وثار بدارنه البركان
ما عاين علينه انسان

والخير صفى بهذا الوكت ينهان
ما بقّوا مهابه لحرمة الاوطان
ولا خلوا سفينه يقودها السفان

يحكمون الغرب واهل البيوت اغراب
ظاع الحگ تره ومچتف الطلاب

دارت بينه دارت وفتر الدولاب
والدنيه خلت لا وفه ولا اصحاب

دار وبيد اليكرهون
بيد البس كسب لجيوبهم يردون

دار الكون
وين الناس اليفزعون
وين العاقل اليساير المجنون
ويرد السوالف والحچي الموزون

ويحقق حلم بگلوبنه مكنون

وينه البي ذرابه ويجلي
وجه الليل
وينه البلنوايب يصد وجه الخيل

وينه الجنحة علّه وما ينوله الچيل
وينه المن يصفي الزم چن غربيل

وينه الما يهم مهما الدنيه تميل

وينه البلوغه يرافگ طبع عزريل

خل يحظر يشوف
شلون دار الكون
خل ياخذ بثار العدل والمدفون

دار الكون

حيدر الجابري

صور مرفقة






أخبار متعلقة
مشاركة الخبر
التعليق بالفيس بوك
التعليقات
اعلانات تجارية
اعلانات تجارية
استطلاع رأى

هل انت مع الجيش العراقي ؟

0 %

0 %

0 %

عدد الأصوات : 0

أخبار